Жамбыл облысында 8 глэмпинг құру жобасы басталады
Ол туризм саласындағы бағдарламаның мүмкіндіктерін тиімді пайдаланудың маңыздылығын атап өтті.
«Атап айтқанда, туристік глэмпингтерді қаржыландыру мүмкіндігі қарастырылған», — деп қосты Карашукеев.
Өңір басшысы туризм және инвестициялар басқармасына аудан әкімдіктерімен бірге туристік нысандардың жанында глэмпингтер орналастыру үшін қолайлы орындарды анықтап, нақты жобаларды ұсынуды тапсырды.
«Негізгі міндет — жобалардың санын арттыру емес, туристерді тартатын және жергілікті тұрғындарға табыс әкелетін нақты жұмыс істейтін нысандарды іске қосу», — деді ол.
Әкімдік мәліметтері бойынша, «Ауыл аманаты» бағдарламасын жүзеге асыру үшін 2025-2026 жылдары Жамбыл облысына 5 млрд теңге бөлінген.
Бүгінгі таңда 3,6 млрд теңге игерілді, бұл жалпы соманың 72,7% -ын құрайды, — делінген хабарламада.
Осы уақытта 90 млн теңге рәсімдеу кезеңінде. Бұрын мақұлданған жобалардың жалпы құны 694,2 млн теңгені құрайды.
Игерілген қаражаттың арқасында 405 кәсіпкер өз ісін ашу мүмкіндігін алды. Оның ішінде 177 шаруашылық 10 160 бас мал сатып алуды жоспарлап отыр.
«Қалған 1,4 млрд теңгені қыркүйек айының соңына дейін игеру жоспарлануда. Қаржыландыруға үміткер әлеуетті жобалар бойынша құжаттар 80-90% дайын. Қазіргі уақытта жобалардың кепілдік қамтамасыз ету мәселелері негізінен шешілуде», — делінген хабарламада.
Бағдарлама аясында бөлінген қаражат толық игерілген жағдайда, облыста 657 жоба жүзеге асырылатын болады.
Олардың ішінде 177 жоба мал шаруашылығында, 20 — құс шаруашылығында, 90 өңдеу кәсіпорнына жабдық сатып алу, 50 ауыл шаруашылығы техникасын сатып алу, 70 шағын жылыжайлар мен 52 кооператив құру, сондай-ақ 8 туристік глэмпингті іске қосу жоспарланған.
Сонымен қатар, 190 шағын цех жұмыс істей бастайды және 509 жаңа жұмыс орны құрылады.
