Қазақстандағы жоғары оқу орындарында үш жылдық білім беруді енгізу: премьер-министрдің пікірі
«Концепцияны жүзеге асыру аясында Ғылым және жоғары білім министрлігі 2027 жылы Еңбек және халықты әлеуметтік қорғау министрлігі, «Атамекен» ұлттық кәсіпкерлер палатасы және салалық бизнес қауымдастықтарымен бірге жоғары оқу орындарында үш жылдық білім берудің жағдайларын талдауды жоспарлап отыр. Талдау нәтижелері бойынша кадр даярлау жүйесін реттеу бойынша одан әрі шаралар қабылдау жоспарлануда», — делінген жауапта.
Сонымен қатар, оның айтуынша, білім беру бағдарламаларын нормативтік және қаржылық қамтамасыз ету механизмдері талданатын болады.
«Бұл ретте білім беру бағдарламаларының қарқындылығы, мамандарды даярлауға жұмсалған нақты шығындар, түлектердің мамандығы бойынша жұмысқа орналасуы, жұмыс берушілердің қанағаттану деңгейі, түлектердің табысы және кәсіби сертификаттау нәтижелері ескеріледі», — деп қосты премьер.
Бұған дейін Қазақстанда білім беру бағдарламалары реестрін жүргізу ережелері өзгергені туралы жазған болатынбыз.
