Спортшы-ветеран сот арқылы атақ алуына қол жеткізді
Талап арыз заңнамалық нормалардың спорттық атақты халықаралық жарыстарда Қазақстанды танытқан және жүлделі орын алған ардагерлерге беруіне тыйым немесе шектеу жоқ екенін негізге ала отырып жасалды.
Жауапкер талап арызды қабылдамауды сұрап, «Халықаралық дәрежедегі спорт шебері» атағын берудің негізі ересектер арасындағы әлем чемпионатындағы нәтиже екенін алға тартты. Ардагерлер арасындағы әлем чемпионатына қатысу және жүлделі орын, жауапкердің пікірінше, осы критерийге сәйкес келмейді.
Бірінші инстанциядағы сот талап арызды қанағаттандырды. Жауапкердің оспарланған шешімі жойылды, және жауапкерге сот шешімінің заңды күшіне енген күнінен бастап бір ай ішінде спортшы-ветеранға «Қазақстан Республикасының халықаралық дәрежедегі спорт шебері» атағын беру туралы қолайлы әкімшілік акт қабылдауға міндеттелді.
Сот заңнаманың спортшы-ветерандарды «ересектер» санатынан шығару туралы ережелерді қамтымайтынын және халықаралық жарыстарда Қазақстан Республикасын танытатын спортшы-ветерандарға спорттық атақ беруге тыйым салынбайтынын анықтады.
Қарағанды облыстық сотының әкімшілік істер жөніндегі сот алқасының қаулысымен бірінші инстанциядағы соттың шешімі өзгеріссіз қалдырылды, бұл оның заңды күшіне енгенін растайды.
