Алматыда ауыл шаруашылығы өнімдерінің жәрмеңкесі өтеді
«Алматыда 29 және 30 тамызда Түркістан облысы мен қаланың фермерлері мен тауар өндірушілерінің қатысуымен ауыл шаруашылығы жәрмеңкесі өтеді. Сауда қатарлары Қазыбек би көшесінде — Абылай хан проспектісі мен Панфилов көшесінің арасындағы учаскеде орналасады».
Жәрмеңкеде 500 тоннадан астам ауыл шаруашылығы өнімдері ұсынылады. Түркістан облысының 16 ауданынан фермерлер мен өндірушілер өз өнімдерін әкеледі. Ассортиментте:
шамамен 100 тонна ет өнімдері, 170 тонна көкөніс, 66,5 тонна сүт өнімдері, 30 тонна жемістер, сондай-ақ 70 тонна жидектер мен бақша дақылдары бар.
«Өнімдер орта нарықтық бағадан 8−20% төмен бағамен сатылатын болады», — деп хабарлайды Алматы қаласы әкімдігінің баспасөз қызметі.
Жәрмеңке Алматының азық-түлік қауіпсіздігін қамтамасыз ету және өңіраралық ынтымақтастықты дамыту аясында ұйымдастырылды. Ол сондай-ақ отандық ауыл шаруашылығы өндірушілерін қолдауға және тұрғындардың жаңа өнімдерге қолжетімділігін кеңейтуге бағытталған.
2026 жылдың 25 маусымында Алматыда демалыс күндері жәрмеңкелердің саны артады деген хабар тарады. Оңтүстік астананың әкімі Дархан Сатыбалды тиісті тапсырма берді.
