Қазақстан гидроэнергетикасын дамыту жоспарын 2035 жылға дейін бекітті
«Зерттеулер қолайлы алаңдарды таңдауға, болашақ объектілердің параметрлерін анықтауға және су қамтамасыз ету мен қоршаған ортаға әсер етуімен байланысты тәуекелдерді алдын ала ескеруге көмектеседі. Барлық ақпарат цифрлық платформада біріктіріледі, ол мемлекеттік органдар мен әлеуетті инвесторлар үшін деректердің бірегей көзі болады», — деп хабарлады үкімет.
2030 жылдың соңына дейін гидроэнергетикада 500 МВт-тан кем емес жаңа қуаттарды енгізу жоспарлануда. Сондай-ақ, гидроаккумуляторлық электр станциясын салуға акцент жасалған.
«Жаңа қуаттарды енгізу өңірлердің энергиямен қамтамасыз ету сенімділігін арттырады және Біртұтас электр энергетикалық жүйенің тұрақтылығын қамтамасыз етеді. Алаңдарды таңдауда су балансы мен табиғат қорғау талаптары ескеріледі, бұл қоршаған ортаға әсерді минимизациялауға мүмкіндік береді. Нәтижесінде Қазақстан гидроэнергетикалық әлеуетті игерудің жүйелік негізін алады: су ресурстарын зерттеуден алаңдарды таңдауға, мамандарды даярлаудан нақты объектілерді іске қосуға дейін», — деп атап өтті үкімет.
