Ақтөбе облысы жел энергетикасының қуатын арттыруда
Жергілікті билік бірінші кезеңнің 2020 жылы жүзеге асырылғанын атап өтті.
«Сол кезде 10 жел генераторы орнатылып, 15 жұмыс орны құрылды. 2021 жылы екінші кезең аясында тағы 13 жел генераторы орнатылып, 20 жаңа жұмыс орны құрылды», – деп көрсетілген хабарламада.
Бүгінгі күні станция аумағында 23 жел генераторы жұмыс істейді.
Ақтөбе облысындағы бес жел электр станциясының жалпы қуаты 346 МВт.
Олардың ішінде:
- Plenitude Kazakhstan – 48 МВт, 2020 жыл;
- Plenitude Kazakhstan – 48 МВт, 2021 жыл;
- Darmen Shuak – 50 МВт, 2026 жыл;
- Next Green Energy – 50 МВт, 2026 жыл;
- «Хромтау-1» – 150 МВт, 2026 жыл.
Сонымен қатар, өңірде жалпы қуаты 400 МВт болатын жел энергетикасы саласында жаңа жобаларды жүзеге асыру жоспарлануда.
«Олардың бірі – Plenitude Kazakhstan жобасының үшінші кезеңі. Оның аясында 2028 жылы қуаты 100 МВт болатын жел электр станциясының құрылысы жоспарлануда», – деп атап өтті әкімдік.
Облыс билігінің мәліметтері бойынша, тағы екі жоба – Argest және Beta Wind – әрқайсысы 100 МВт қуатқа есептелген. Олардың іске қосылуы 2026 жылдың желтоқсанында жоспарлануда. Zeta Wind жобасының қуаты да 100 МВт болады, оның пайдалануға берілуі 2027 жылға жоспарланған.
Барлық жоспарланған жобалар жүзеге асырылғаннан кейін Ақтөбе облысындағы жел энергетикасының жалпы қуаты 746 МВт-қа жетеді.
