Қазақстан бюджеті 2027 жылы 30 трлн теңгеден асады

«Әлеуметтік және инфрақұрылымдық нысандарды салу бойынша ауқымды бағдарламаны жүзеге асыру міндеті қойылды. Осыған байланысты 2027 жылы Ұлттық қордан 2 трлн теңге көлемінде мақсатты трансферт қарастырылған, ал 2028–2029 жылдары 1,5 трлн теңге бөлінеді, бұл маңызды нысандар мен республикалық маңызы бар жобаларды қаржыландыру үшін», – деді спикер.

Оның айтуынша, Ұлттық қордың таза валюталық активтері 2027 жылы 65,2 млрд АҚШ доллар деңгейінде болжануда, 2029 жылы 70,6 млрд АҚШ долларына дейін өседі.

«2027 жылы республикалық бюджет тапшылығы 2,3% ЖІӨ деңгейінде белгіленген, 2028 жылы 1,0%-ға және 2029 жылы 0,4%-ға дейін кезең-кезеңімен төмендейді. Мұнайдан тыс тапшылық 2027 жылы 5,3% ЖІӨ-ден 2028 жылы 3,5%-ға және 2029 жылы 2,5%-ға дейін азаяды. Республикалық бюджет шығыстарының параметрлері бюджет ережелерін қолдану ескеріле отырып анықталды. 2027–2029 жылдардағы шығыстардың өсу қарқыны 109,2−109,4% деңгейінде тұрақтандырылды», – деп жалғастырды Азамат Амрин.

Ол 2027 жылы республикалық бюджет шығындары 30,2 трлн теңге, 2028 жылы – 29,4 трлн теңге, 2029 жылы – 29,6 трлн теңге көлемінде жоспарланғанын атап өтті.