Канада Қазақстанға шағын атом реакторларын салу тәжірибесін ұсынды — Сауда министрлігі
«Канадалық тарап шағын модульдік реакторлар жобаларын, оның ішінде Darlington SMR жобасын, сондай-ақ CANDU технологияларын жүзеге асыруда тәжірибе алмасуды ұсынды. Тараптар канадалық компаниялардың Қазақстанның атом энергетикасын дамыту жоспарларына қатысу перспективаларын да талқылады», — деп хабарлады ведомство.
Сонымен қатар, аэроғарыш өнеркәсібіндегі ынтымақтастық та талқыланды.
«Канадалық тарап өрт сөндіру авиациясы және тиісті канадалық әуе кемелері мен технологияларын пайдалану саласында өзара әрекеттестікті кеңейтуге дайын екенін білдірді. Переговорлардың маңызды бөлігі инвестиция тарту мәселелері болды. Тараптар шетелдік инвестицияларды ынталандыру және қорғау туралы ықтимал келісім бойынша алдын ала жұмысты жалғастыруға келісті», — деп атап өтті сауда және интеграция министрлігі.
Одан басқа, Транскаспий халықаралық көлік маршрутының әлеуетін сыртқы сауданы одан әрі әртараптандыру үшін пайдалану мүмкіндігі атап өтілді. Қазақстан тарапы Канада мен Орталық Азия елдері арасындағы өзара әрекеттесу экономикалық стратегиясын әзірлеуді, канадалық Индо-Тынық мұхиты стратегиясын жүзеге асыру тәжірибесін ескере отырып, қарастыруды ұсынды, — делінген ведомство хабарламасында.
Арман Шаккалиев Қазақстан мен Канада арасындағы флагмандық бірлескен жобаларды жүзеге асыруға көшу және нақты басымдықтар мен жобалармен бірлескен іс-қимыл жоспарын әзірлеуді ұсынды.
«Біз 45 тауар категориясы бойынша Қазақстанның экспорттық тауарларының әлеуетті тізімін 255 млн АҚШ долларынан астам жалпы сомада әзірледік. Канадалық тараппен осы өнімді Канада нарығына жылжыту үшін нақты механизмдерді анықтауға дайынбыз. Сонымен қатар, Қазақстан канадалық серіктестер үшін Қытай және басқа да өңір елдерінің нарықтарына шығу үшін маңызды алаңға айналуы мүмкін», — деді министр.
Нәтижесінде тараптар сауданы жеңілдету, инвестициялық өзара әрекеттесу және салалық ынтымақтастық мәселелерін анықтай отырып, бірлескен экономикалық жоспар әзірлеуге келісті.
