Заңдық караван Алматыда: халықтың құқықтық сауаттылығын арттыру
Караван барысында тұрғындарға құқықтарын және заңды мүдделерін қорғау, заңнамалық талаптарды сақтау және құқық бұзушылықтардың алдын алу мәселелері түсіндірілді. Мамандар азаматтардың сұрақтарына жауап беріп, өзекті тақырыптар бойынша консультациялар өткізді.
«Эко Мангистау» экологиялық қорғау ұйымының жобалық менеджері Жавид Алиевтің айтуынша, іс-шараның негізгі мақсаты – құқықтық көмекті халық үшін қолжетімді ету және азаматтардың заңды құқықтары мен мүдделерін қорғау бойынша түсіндіру жұмыстарын жүргізу.
«Біздің мақсатымыз – халықтың құқықтық сауаттылығын арттыру, азаматтарға құқықтарын және заңды мүдделерін қорғау жолдарын түсіндіру. „Заң және тәртіп“ және „Адал қоғам“ жобалары аясында тұрғындарға ақпараттық материалдар таратылады. Біз үшін тұрғындардың тек ақпарат алуы емес, сонымен қатар оны практикада қолдана білуі маңызды. Сондықтан караван барысында біз қойылған сұрақтарға жауап береміз, қажет болған жағдайда қай ведомстволарға жүгіну керектігін түсіндіреміз», – деді Жавид Алиев.
