Шымкенттік азамат TikTok-тағы пікір үшін 7 күнге қамалды
Ол осылайша айналасындағыларға құрметсіздік танытып, қоғамдық тәртіпті бұзған.
Іс Шымкенттің әкімшілік құқық бұзушылықтар жөніндегі мамандандырылған ауданаралық сотында ҚР Әкімшілік құқық бұзушылық туралы кодексінің 434-бабының 1-бөлігі «Ұсақ хулигандық» бойынша қаралды.
«Құқық бұзушының кінәсі әкімшілік құқық бұзушылық туралы хаттамамен және іс материалдарымен расталады. Сот отырысында құқық бұзушы өз кінәсін мойындап, оған жеңіл жаза тағайындауды сұрады», — деп хабарлады сотта.
Сот кінәні мойындауды және құқық бұзушының бұған дейін әкімшілік жауапкершілікке тартылмағанын ескерді.
«Істің мән-жайларын және құқық бұзушының жеке басын ескере отырып, сот Д. құқық бұзушыны әкімшілік құқық бұзушылық жасағаны үшін кінәлі деп танып, оған 7 күнге әкімшілік қамақ түрінде жаза тағайындады», — делінген хабарламада.
Соттың қаулысы заңды күшіне енген жоқ.
