Полиция жолда Алматы — Астана трассасында көліктен фейерверк атқызған құқық бұзушыларды анықтады
3 қазан күні шамамен 00:30-да күдіктілер Жібек Жолы ауылындағы мейрамханадан шығып, Алматы — Астана автожолымен жүріп өткен. Полиция Еркебулан Жолдасбай, Бекарыс Махсетов, Ержан Жумалиев және Ардақ Турғанбайды әкімшілік жауапкершілікке тартты. Жүргізушілерге жол қозғалысы ережелерін бұзу және хулигандық үшін 13 әкімшілік хаттама толтырылды.
Сондай-ақ полиция BMW автокөлігінің люгінен пиротехникалық өнімдерді атқызған Мейрбек Базарымбетовтың жеке басын анықтады. Оның үстінен де әкімшілік хаттама толтырылды.
Нәтижесінде, инцидентке қатысушыларға қатысты барлығы 14 әкімшілік хаттама толтырылды. Сот құқық бұзушыларға олардың әрекеттері үшін 10 тәулікке қамаққа алу жазасын тағайындады.
Полиция жолдардағы демонстративті және қауіпті мінез-құлықтың барлық қатысушылардың өмірі мен денсаулығына қауіп төндіретінін ескертеді. Мұндай құқық бұзушылықтар полицияның ерекше бақылауында.
