Ерлан Карин мен Джеки Чан Қазақстанның киноиндустриясын дамыту мәселелерін талқылады
Кездесу барысында киноинематография саласындағы халықаралық ынтымақтастық мәселелері, сондай-ақ бірлескен кино жобаларын жүзеге асыру мүмкіндіктері қарастырылды. Ерлан Карин Қасым-Жомарт Тоқаевтың жаңа технологияларды, креативті индустрияларды дамытуға және азаматтардың шығармашылық әлеуетін ашуға ерекше мән беретінін атап өтті.
Вице-президент Қазақстанда осындай ірі жобаларды жүзеге асыру отандық киноиндустрияның дамуына, оның кәсіби өсуіне және елді халықаралық кино өндірісі үшін перспективалы алаң ретінде алға жылжытуға ықпал ететінін айтты. Кино саласында жаңа технологияларды енгізуге ерекше назар аударылды.
Ерлан Карин сондай-ақ мемлекет басшысының бастамасымен цифрландыру және жасанды интеллект жылы аясында елордада Astana AI Film Festival өткенін хабарлады. Жасанды интеллект көмегімен жасалған фильмдер конкурсына әлемнің 125 елінен 8 мыңнан астам өтінім түсті. Фестиваль AI-киноға арналған әлемдегі ең ірі оқиға болып, ауқымы мен географиялық қамтуы бойынша ерекшеленді.
Кездесудің соңында Ерлан Карин Джеки Чанға Қазақстанға деген жылы қарым-қатынасы үшін алғыс айтып, жобаның барлық қатысушыларына шығармашылық табыстар тіледі.
