Көпқабатты тұрғын үй кешендерінің өрт қауіпсіздігіне қойылатын талаптар белгіленді

Онда былай делінген:

200-ден астам тұрғын пәтерлерді қамтитын көпқабатты тұрғын үй объектілері өрт техникасы үшін бір-бірінен бөлек екі кіреберіс жолдарымен қамтамасыз етілуі тиіс.

400 тұрғын пәтерге дейінгі көпқабатты тұрғын үй объектілері үшін бір кіреберіс жолын жасауға рұқсат етіледі.

Дегенмен, бір уақытта келесі шарттар орындалуы тиіс:

стилобатпен біріктірілген көпқабатты тұрғын үй объектісінің биіктігі 50 м-ден аспауы тиіс; тұрғын бөліктің қабаттық коридорлары түтінге қарсы желдету жүйесімен жабдықталуы тиіс; эвакуациялық жолдардағы есіктер магниттік контактілі сигнализаторлармен (МКС) жабдықталуы тиіс, олардың күйі туралы ақпараттың өрт постына шығуы («ашық/жабық»); стилобатқа шығу нүктесінен 10 м-ден аспайтын қашықтықта өрт гидранты қарастырылуы тиіс; өрт жолдарының бұрылу радиусы 9,8 м-ден кем болмауы тиіс; стилобатқа шығу беті сырғанауға қарсы жабынмен және жылыту жүйесімен қамтамасыз етілуі тиіс; өрт техникасы үшін ішкі жол дөңгелек қозғалыс мүмкіндігін қамтамасыз етуі тиіс. Ұзындығы 150 м-ден аспайтын тупикті жол жасауға рұқсат етіледі. Тупикті жолдар өрт техникасының айналуы үшін 15×15 м-ден кем емес алаңдармен аяқталуы тиіс.

Ескертпеде былай делінген:

Егер барлық тұрғын пәтерлердің терезе ойықтары көпқабатты тұрғын үй объектісінің сыртқы жағындағы өрт кіреберісіне қараса немесе барлық тұрғын пәтерлер екі жақты бағдарланса, көпқабатты тұрғын үй объектісінің биіктігін 75 м-ге дейін арттыруға рұқсат етіледі.

400-ден астам тұрғын пәтерлерді қамтитын көпқабатты тұрғын үй объектілері, жоғарыда аталған техникалық шешімдерге қарамастан, екі бөлек кіреберіс жолдарымен толық жабдықталуы тиіс.

Осыған ұқсас өзгерістер Қазақстан Республикасының Құрылыс нормалары мен ережелеріне 3.01−01-Ас-2007 «Астана қаласын жоспарлау және салу» енгізілді.

Бұйрық 1 қазаннан бастап күшіне енеді.