ЗКО-да қолжетімді өнімдерге 4,5 млрд теңге бөлінді: оларды қайдан және қандай бағамен сатып алуға болады

Бұл қаражатқа 12,3 мың тоннадан астам азық-түлікке келісімшарттар жасалды, оның ішінде көкөністер, ет, күріш, сүт және күнбағыс майы бар.

Жеткізілімдер 2026 жылдың маусымынан 2027 жылдың мамырына дейін жүзеге асырылады. Барлық сатып алынған өнімдер жеткізушілердің қоймаларында сатылым сәтіне дейін сақталады.

Қорға кірген өнімдер:

Картоп — 6 970 тонна (120-220 тг/кг); Сәбіз — 1 520 тонна (120-230 тг/кг); Қырыққабат — 1 550 тонна (140-155 тг/кг); Пияз — 1 040 тонна (130-190 тг/кг); Сүт — 633 тонна (270-370 тг/кг); Күріш — 500 тонна (250 тг/кг); Күнбағыс майы — 100 тонна (740 тг/кг); Сиыр еті — 35,7 тонна (2 800 тг/кг); Қой еті — 28,6 тонна (3 500 тг/кг).

Әлеуметтік өнімдерді қайдан сатып алуға болады?

Тұрақтандыру қорынан алынған өнімдер танымал супермаркеттер мен үй жанындағы дүкендерде қолжетімді. Қазіргі уақытта тізімде 52 сауда нүктесі бар:

«Алтындар» — 27 нүкте; «Пешеходъ» — 16 нүкте; «Суровский» — 4 нүкте; «Анвар» — 2 нүкте; «Дина» — 2 нүкте; «Вега» — 1 нүкте.

Жылдың соңына дейін фиксирленген төмендетілген бағамен өнім сатып алуға болатын сауда желілерінің санын арттыру жоспарлануда.