Алкогольдік масаңдық Алматыда жүргізушінің ұсталуына себеп болды
Бұзушыны патрульдік полиция қызметкерлері «Мас жүргізуші» атты жедел-профилактикалық іс-шара барысында анықтады.
Полицейлер Kia автокөлігін тоқтатып, жүргізушінің құжаттарын тексеру кезінде одан алкогольдің өткір иісі шықты.
«Осыған байланысты оны медициналық тексеруге жеткізді. Медициналық тексеру нәтижелері бойынша, ер адам жеңіл дәрежедегі алкогольдік масаңдық күйінде болды.
Бұл факт бойынша құқық бұзушыға Қазақстан Республикасының әкімшілік құқық бұзушылықтар туралы Кодексінің 608-бабы 1-бөлігіне сәйкес әкімшілік хаттама толтырылды.
Автокөлік арнайы коммуналдық тұраққа орналастырылды,» — делінген хабарламада.
Соттың қаулысына сәйкес, жүргізуші 7 жыл мерзімге көлік құралдарын басқару құқығынан айырылып, 15 тәулікке әкімшілік қамауға алынды.
«Алматы қаласы полиция департаменті алкогольдік масаңдық күйінде автокөлік басқарудың барлық жол қозғалысы қатысушыларының өмірі мен денсаулығына тікелей қауіп төндіретінін ескертеді.
Мұндай әрекеттер ауыр салдарға әкелуі мүмкін.
Полиция жүргізушілерді жолдардағы қауіпсіздікке жауапкершілікпен қарауға және жол қозғалысы ережелерін қатаң сақтауға шақырады,» — деп ескертті полиция.
