Алматыда дәрігерлер 59 магнитті жұтқан баланы құтқарды
«Үшінші бала сол ауысымда, таңертең, кезекшіліктің аяқталуына қарай түсті. Бала 4 жасқа толмаған, және қайтадан іштің қатты ауыруы, әлсіздік және құсу туралы шағымдар болды. Тексеру барысында асқазан-ішек жолдарында бірнеше бөгде заттар анықталды. Біздің команда 59 магнитті баланың жіңішке ішегінен алып шыққанда нағыз шокқа түсті. Медициналық көмекке жүгінген кезде қауіпті заттар жіңішке ішектің қабырғаларын перфорациялап үлгерген еді. Бұл ауысымдағы ең қиын операциялардың бірі болды, 1 тамыз», – деп нақтылады Алматыдағы балаларға шұғыл медициналық көмек көрсету орталығының қабылдау бөлімінің хирургі Айбол Султанбеков.
Жыл басынан бері орталыққа магниттерді жұтқан 15 бала түсті. Әрбір осындай жағдай ерекше назарды талап етеді, себебі бірнеше магнит бір-біріне тартылып, организм ішінде ауыр асқынуларға әкелуі мүмкін. Дәрігерлер ата-аналарды магниттік шариктер мен осындай ойыншықтарды кішкентай балалардың қолы жетпейтін жерде сақтауға және олардың не нәрсемен ойнайтынын мұқият бақылауға шақырды.
