15 қыркүйектен Алматыда ауқымды дератизация басталады
«Дератизация жалпы пайдалануға арналған 47 330 гектар аумақты, өзендер мен су қоймаларының жағаларын, сондай-ақ жеке тұрғын үй құрылысы аумақтарын қамтиды», — делінген әкімдік хабарламасында.
Сонымен қатар, ведомствода ОСМД, КСК, жеке үйлердің иелері мен заңды тұлғалар өз нысандарында өңдеуді өз бетінше қамтамасыз етуі қажет екені атап өтілді.
«Жұмыстар контейнерлік алаңдарда, сауда және қоғамдық тамақтандыру объектілерінде, кафелерде, мейрамханаларда және сауда-ойын-сауық орталықтарында да жүргізілуі тиіс. Заңнамаға сәйкес, жеке және заңды тұлғалар өздеріне тиесілі объектілер мен аумақтарда дератизацияны өз қаражаты есебінен жүргізеді», — деп мәлімдеді баспасөз қызметі.
Әкімдікте қала және жеке аумақтарды бір мезгілде өңдеу дератизацияның тиімділігін арттырып, кеміргіштердің қайта таралуын болдырмауға мүмкіндік беретінін еске салды.
