Қазақстандықтар Түркияға жиі ұшатын болады
«Келіссөздердің нәтижесінде 14 тамызда тараптар азаматтық авиация саласындағы ынтымақтастықты одан әрі нығайту және екі ел арасындағы әуе қатынасын кеңейту мақсатында өзара түсіністік туралы жаңа меморандумға қол қойды». ҚР Көлік министрлігінің баспасөз қызметі.
Осылайша, қол жеткізілген келісімдерге сәйкес:
негізгі бағыттар бойынша (Стамбулдан Астана, Алматы және Шымкентке, Анкарада Астана мен Алматыға) рұқсат етілген рейстер саны аптасына 76-дан 138-ге дейін артты, туристік бағыттар бойынша (Анталия мен Бодрумнан Қазақстан қалаларына) – аптасына 44-ден 86 рейске дейін.
Сол арқылы, Көлік министрлігінде атап өткендей, жоғарыда аталған маршруттар бойынша рұқсат етілген рейстердің жалпы саны аптасына 120-дан 224 рейске дейін артты.
Барлық қалған маршруттар бойынша екі тараптың авиакомпаниялары аптасына 14 рейске дейін орындау мүмкіндігі қарастырылған, бұл тікелей әуе қатынасын кеңейту және өңірлік байланыстарды дамыту үшін жағдай жасайды.
Сонымен қатар, екі тарап үшін 5-ші әуе бостандығын пайдалана отырып, үшінші елдерге тасымалдау үшін 76 жүк рейсін орындау туралы келісімге қол жеткізілді.
Келіссөздер барысында тараптар азаматтық авиацияның кең ауқымды бағыттары бойынша, оның ішінде әуе көлігін мемлекеттік реттеу, ұшу қауіпсіздігін қамтамасыз ету және авиациялық қауіпсіздік, авиациялық оқиғаларды тергеу, әуежай инфрақұрылымын дамыту және саланы цифрландыру бойынша ынтымақтастықты жандандыру туралы да келісімге келді.
2026 жылдың 30 шілдесінде Түркияның жаңа авиакомпаниясы Қазақстанға рейстерді бастайтыны белгілі болды.
2026 жылдың 10 тамызында Қазақстанда әуе маршруттарын субсидиялау ережелері өзгергені туралы хабарланды. Үкіметтің қаулысымен ережелер жаңа тармақпен толықтырылды. Қандай екенін мұнда біле аласыз.
