Теміртауда «Жасыл Теміртау» жаңа саябағы ашылды
Бұрын абаттандырылмаған аумақ толықтай өзгертілді: мұнда екі мыңнан астам ағаш отырғызылды, серуендеу және демалу аймақтары, сондай-ақ балалар алаңдары жасалды.
Саябақтың ашылу салтанатына Қарағанды облысының әкімі Ермағанбет Бүлкпаев, облыс прокуроры Мұрат Тлеубердиев, Теміртау әкімі Сапар Сатаев, «Qarmet» АҚ басқарма төрағасы Петр Трушин, қала ақсақалдары мен тұрғындар қатысты. Іс-шараға қатысушылар волонтерлермен бірге жаңа ағаштар отырғызды.
«Qarmet үшін Теміртау — бұл металлургиялық комбинат орналасқан қала ғана емес. Бұл біздің ортақ үйіміз. Сондықтан өндірісті ауқымды жаңартумен қатар, қала ортасының сапасына тікелей әсер ететін жобаларды қолдаудың маңызды екенін есептейміз», — деді Петр Трушин.
Qarmet үшін саябақты абаттандыруға қатысу қала ортасын дамыту бойынша жүйелі жұмыстың жалғасы болды. Бұрын компания Теміртаудағы Qarmet Park-ты ауқымды реконструкциялап, аумақты отбасылық демалыс, спорт және қалалық іс-шаралар өткізу үшін заманауи кеңістікке айналдырды. Тағы бір ірі әлеуметтік жоба Қаражал қаласында жүзеге асырылды, онда шахтерлер күніне Qarmet тұрғындар үшін жаңартылған қала паркын ашты.
Жаңа саябақ «Жасыл Теміртау» Qarmet компаниясының қоғамдық инфрақұрылымды дамытуға қолдау көрсеткен тағы бір жобасы болды. Компания үшін өзгерістер тек өндірістік алаңдарда, бүгінгі күні ауқымды модернизация бағдарламасы жүзеге асырылып жатқан жерлерде ғана емес, сонымен қатар Qarmet қызметкерлері, олардың отбасылары және ондаған мың тұрғындар тұратын қалаларда да болуы маңызды.
Парктер, саябақтар, спорттық және қоғамдық кеңістіктерді құруды қолдай отырып, Qarmet қала ортасының ыңғайлырақ болуына және демалыс, қарым-қатынас және отбасылық бос уақыт өткізу үшін жаңа орындар жасауға тұрақты түрде қатысады.
