Алматы мен Токио арасында тікелей рейстерді іске қосу қарашада басталады

— Жапониямен тікелей әуе қатынасын іске қосу біздің негізгі басымдықтарымыздың бірі болып табылады және Қазақстанның Орталық Азия мен Кавказдағы транспорттық хаб ретіндегі көшбасшылығын нығайтуға көмектеседі. 2026 жылы біздің 22-ші жаңа бағытымыз болған Токио әлемдегі бизнес пен туризмнің жетекші орталықтарының бірі болып табылады, және Airbus A321LR ұшақтарында жүзеге асырылатын жаңа әуе қатынасы Қазақстан мен Жапония арасындағы сауда, экономикалық және мәдени байланыстардың дамуына елеулі серпін береді, — деді Air Astana компаниялар тобының бас директоры Ибрахим Жанлыел.

Токио халықаралық әуежайына (Нарита) рейстер аптасына екі рет Airbus A321LR ұшақтарында бизнес және эконом-класс салондарымен жүзеге асырылады.

Рейстердің кестесі (жергілікті уақыт бойынша, Үкіметтің мақұлдауымен):

KC171 Алматы-Токио рейсі дүйсенбі және бейсенбі күндері Алматыдан 21:55-те ұшып, келесі күні Токиода 09:25-те жетеді. KC172 Токио-Алматы рейсі сейсенбі және жұма күндері Токиодан 10:55-те ұшып, Алматыда 16:20-да жетеді.

Алматыдан Токиоға ұшу уақыты 7 сағат 30 минут, кері бағытта — 9 сағат 25 минутты құрайды.

— Air Astana мен Japan Airlines арасындағы қазіргі серіктестік аясында Токио (Нарита) мен Алматы арасындағы рейстер код-шерингі режимінде жүзеге асырылады. Эконом-класста екі жаққа билет құны (барлық алымдармен) 350 552 теңгеден басталады, бизнес-класста — 1 398 918 теңгеден басталады. Билеттерді airastana.com сайтында, Air Astana мобильді қосымшасы арқылы және аккредиттелген туристік агенттіктерде брондауға болады, — деп хабарлады әуе компаниясы.

Жапония азаматтары Қазақстанға 30 күнге дейін визасыз кіре алатыны атап өтілді. Қазақстан азаматтарына Жапонияға сапар үшін виза қажет.