Полиция 23 тамызда сайлауда қауіпсіздікті қамтамасыз етеді
Акиматтармен және басқа мемлекеттік органдармен бірлесіп құқық тәртібін қамтамасыз ету бойынша әрекеттерді үйлестіретін штабтар құрылды. Көшелер мен қоғамдық орындардағы жағдайды тәулік бойы сыртқы бақылау камералары қадағалайды.
Ішкі істер министрлігі сайлау күні әлеуметтік желілерде жалған ақпарат пен провокациялық контент таратудың салдары туралы да еске салды.
«Қоғамдық тәртіпті қорғауға полиция қызметкерлері мен Ұлттық гвардияның әскери қызметшілері максималды түрде тартылды. Сайлау өтетін барлық сайлау учаскелері күзетке алынады», — деп атап өтті Қазақстан Республикасы Ішкі істер министрлігінің Әкімшілік полиция комитетінің басқарма басшысы Айдын Оразбаев.
Қазақстан Республикасының Сыртқы істер министрлігінің арнайы тапсырмалар жөніндегі елшісі Ерлан Алимбаев шетелдегі сайлаушылардың дауыс беруі туралы да айтты.
