Зейнеткерлер үшін жаңа тұрғын үй кешендерінде жайлы кеңістіктер құру туралы ұсыныс

«Алайда зейнеткерлер үшін арнайы орындар немесе кеңістіктер осы талаптарға енгізілмеген. Осыған байланысты заңнамаға жаңа норманы енгізуді ұсынамыз: көпқабатты тұрғын үй кешендерін жобалау кезінде зейнеткерлердің демалуға, бір-бірімен қарым-қатынас жасауға және қоғамдық өмірге белсенді қатысуға мүмкіндік беретін жайлы кеңістікті қарастыру қажет», — деді Ақылбай.

Ол мұндай кеңістіктің ауданы бір пәтерге 0,8 шаршы метр болуы тиіс деп есептейді.

«Бұл орын коммерциялық мақсатта пайдаланылмауы тиіс. Ол болашақта сатылмауы немесе басқа мақсаттарда пайдаланылмауы керек. Ең бастысы — оның бастапқы мәртебесі қоғамдық мақсаттағы объект ретінде тұрақты сақталуы тиіс. Болашақта бұл кеңістік медициналық және әлеуметтік қызметтер саласындағы мамандармен азаматтарды қабылдауға да бейімделуі керек. Сондықтан біз үкіметке ұзақ мерзімді күтімнің біртұтас жүйесін құру бойынша нақты межведомстволық жобаны әзірлеуді ұсынамыз. (…) Біз қартаюмен бірге адам мемлекет пен қоғамның назарынан тыс қалмауы керек деген тұжырымдамадан шығамыз. Әр зейнеткер біздің елдің толыққанды азаматы болып табылады», — деп қосты депутат.

Бұған дейін депутат Дәурен Ахметжаев Салық кодексіне өзгерістер енгізуді талап еткен болатын.