Республика күні Алматыда қалай атап өтіледі
Негізгі шаралар:
23 қазан күні Республика сарайында мерекелік концерт өтеді. Сол күні 18:30-да дәстүрлі өнер театры «Алатау» концертін «Егемен ел – еңселі ел» өткізеді;
25 қазан күні «Медеу» спорт кешенінде Қазақстан Республикасының мемлекеттік туын көтеру рәсімі;
25 қазан күні 17:00-ден 21:30-ға дейін Абай алаңында танымал өнерпаздардың қатысуымен ашық аспан астында мерекелік концерт;
10-25 қазан аралығында жалпы қалалық акция «Оқитын ұлт – озық ұлт», оқу мен кітаптарға қызығушылықты арттыруға бағытталған;
20-25 қазан аралығында Мемлекеттік академиялық қуыршақ театрында IV Халықаралық қуыршақ театрлары фестивалі Almaty Puppet Festival – 2026 өтеді.
Алматының аудандарында жоспарланған шаралар:
Алмалы ауданы – 22 қазан күні 15:00-де Қазақ ұлттық халық аспаптары оркестрінде мерекелік концерт өтеді (Абылай хан даңғылы, 83);
Түрксіб ауданы – 22 қазан күні 15:00-де № 6 мектеп үйінде концерт болады;
Ауэзов ауданы – 22 қазан күні 15:00-де «Нархоз» университетінде мерекелік шара өтеді (Жандосов көшесі, 55);
Наурызбай ауданы – 22 қазан күні 14:30-да Инновациялық шығармашылық орталығында концерттік бағдарлама өтеді (Шұғыла микрорайоны, 347/4);
Жетісу ауданы – 23 қазан күні 11:00-де мәдениет үйінде мерекелік шара өтеді (Кемел микрорайоны, Есим хан көшесі, 127);
Медеу ауданы – 23 қазан күні 12:00-де Жамбыл атындағы Қазақ мемлекеттік филармониясында салтанатты концерт өтеді;
Бостандық ауданы – 23 қазан күні Satbayev University-де концерттік бағдарлама өтеді.
Алатау ауданы – 24 қазан күні 18:00-де «Алатау» дәстүрлі өнер театрында мерекелік концерт болады.
Сонымен қатар, Республика күніне арналған шаралар Алматы қаласының Жұмыспен қамту және әлеуметтік бағдарламалар басқармасына қарасты әлеуметтік орталықтарда ұйымдастырылады. Қызмет алушылар үшін концерттік және көңіл көтеру бағдарламалары дайындалған.
