Қазақстандықтарға қолжетімді тегін скринингтер
Жүрек-қан тамырлары аурулары, қант диабеті және глаукома бойынша скрининг 40-76 жастағы ерлер мен әйелдер үшін екі жылда бір рет өткізіледі. Сүт безінің обырын ерте анықтау үшін 40-76 жастағы әйелдерге арналған маммография да екі жылда бір рет жүргізіледі. Жатыр мойны обырына арналған скрининг 30-74 жастағы әйелдерге арналған және төрт жылда бір рет өткізіледі. 50-76 жастағы ерлер мен әйелдер колоректальды обырға скринингті екі жылда бір рет өте алады.
Скринингтен өту үшін тіркелген жердегі емханаға хабарласу және ағымдағы жылы қандай тексерулердің қолжетімді екенін нақтылау қажет.
Медициналық қызметкерлер тексеру тәртібін түсіндіреді және қажет болған жағдайда қосымша зерттеулерге жібереді. Ведомство симптомдардың пайда болуын күтпей, уақытында тексеруден өтуге шақырды. Ерте диагностика емдеудің басталуына және денсаулықты сақтауға ықпал етеді.
Бұған дейін 19 қазаннан бастап қазақстандықтарға скринингтер туралы SMS жіберілетіні хабарланған болатын.
