Қазақстандықтарға «Болашақ» стипендиясына өтінім беру мерзімдері ескертілді
«Өтінімдер eGov.kz порталы арқылы қабылданады. Кандидаттарға қойылатын талаптар, басым мамандықтар және бағдарламаға қатысатын шетелдік жоғары оқу орындарының тізімі туралы толық ақпарат Bolashak.gov.kz сайтында қолжетімді. Өтінім беру мерзімдерін жіберіп алмаңыз!» — деп хабарлады Орталық.
Сондай-ақ, шетелде ғылыми тағылымдамадан өту конкурсына қатысу үшін құжаттар 2026 жылдың 30 қазанына дейін қабылданатыны атап өтілді.
Еске саламыз, «Болашақ» стипендиясына құжаттарды қабылдау Қазақстанда 16 наурызда басталды. 2026 жылы «Болашақ» бағдарламасы бойынша 635 стипендия бөлінді. Оның ішінде: бакалавриат бағдарламасы бойынша 20 стипендия, магистратура бойынша — 400 стипендия, докторантура бойынша — 50 стипендия, тағылымдамалар бойынша — 165 стипендия.
