Қазақстандық жүк тасушы Грузияда сотта: СІМ түсініктеме берді
«Консулдық қызметкерлер азаматты ұстау орнында барып, сот отырыстарына қатысып, адвокат іздеуге көмектесіп, оның туыстарымен байланыста болып отыр», — делінген ведомство хабарламасында.
СІМ дипломатардың Қазақстан азаматына консулдық-құқықтық көмек көрсетуін жалғастыратынын атап өтті.
Еске сала кетейік, 44 жастағы Иван Чекулаев жүк тасушы болып жұмыс істеп, Грузияға кезекті рейсіне шыққан. Оның жұбайы Юлия Чекулаева айтқандай, Поти портында тексеру кезінде ер адамның қолында Грузияда психотроптық және есірткі заттары ретінде саналатын ауырсынуды басатын дәрі табылған.
Әйел дәріні арқадағы ауырсыну үшін күйеуіне Германияда дәрігер жазып бергенін, бірақ рецепттің жоқ екенін мәлімдеді. Енді Қазақстан азаматына 15 жылға дейін бас бостандығынан айыру жазасы қауіп төндіруі мүмкін.
