Барлық РФМШ оқушылары Алматыдағы ауруханадан шығарылды

«Бүгінгі күні Балалар қалалық клиникалық инфекциялық ауруханасына жатқызылған Республикалық физика-математика мектебінің барлық оқушылары емделуден кейін шығарылды. 2026 жылдың 12 қазанынан бастап стационарға 58 бала жатқызылды. Дәрігерлер оларға қажетті медициналық көмек көрсетті және клиникалық протоколдарға сәйкес ем жүргізді».

Алматыда 2026 жылдың 12 қазанында РФМШ оқушыларын жедел ішек инфекциясының белгілерімен балалар инфекциялық ауруханаға жатқызды. Кейінірек жатқызылған балалардың саны артқаны белгілі болды.

Денсаулық сақтау министрлігінде азық-түлік блогының тексеру нәтижелері бойынша санитарлық талаптардың бұзылғаны анықталды. Инфекцияның көзін анықтау үшін су мен азық-түлік өнімдерінен, жуындыдан сынамалар алынды, азық-түлік блогының қызметкерлері тексерілді. Мектеп пен асхананың қызметі тоқтатылды, зертханалық зерттеулер жалғасуда.

Алматы полициясында жаппай улану фактісі бойынша қылмыстық іс қозғалғаны хабарланды.