Алматыда кабельдің зақымдалуына байланысты қозғалыс шектеледі
«Жұмыстардың қажеттілігі 220 кВ ЛЭП-2363 кабель учаскесінің зақымдалуымен байланысты. Электрмен жабдықтаудың сенімді схемасын қалпына келтіру үшін мамандар жол жабынын қазып, кабельге қол жеткізіп, зақымдалған жерді анықтап, жөндеу жұмыстарын жүргізу және кейінгі сынақтарды өткізу қажет», — деп түсіндірді «Алатау Жарық Компаниясы».
Сонымен қатар, жұмыстардың барлық қауіпсіздік талаптарын сақтай отырып, тәулік бойы жүргізілетіні атап өтілді. Компания жөндеу жұмыстары аяқталғаннан кейін жол жабыны толық қалпына келтірілетінін қосты.
«Алматы тұрғындары мен қонақтарын маршруттарды жоспарлағанда уақытша қозғалыс шектеулерін ескеруді және қала мен Алматы агломерациясының электрмен жабдықтау сенімділігін қалпына келтіру үшін қажетті мәжбүрлі шараларға түсіністікпен қарауды сұраймыз», — деп қорытындылады компания.
