Тайыншин ауданында дәнді дақылдар 72% алаңнан жиналды
Жинау мен сақтау жұмыстарын алты нан қабылдау кәсіпорны 409,8 мың тонна жалпы қуаттылықпен қамтамасыз етеді. Бүгінгі күні олар 90 мың тоннадан астам жаңа өнім дәнін қабылдады.
Ауданның аграрийлері ауыл шаруашылығы техникаларын жаңартып, егіс алаңдарын әртараптандыруда, минералды тыңайтқыштарды және жоғары өнімді тұқымдарды қолдануды кеңейтуде, деп атап өтті әкімдік.
«Көктемгі дала жұмыстарын және жинау жұмыстарын жүргізуге ауданның ауыл шаруашылығы тауарын өндірушілеріне 27 млрд теңге көлемінде жеңілдетілген кредиттер берілді», – деп хабарланды.
Аудан әкімдігі қосымша, ауыл шаруашылығы өнімдерін қайта өңдеу дамып жатқанын айтты.
«Ясная Поляна» ЖШС бұршақ өңдеу зауытын салу жобасын жүзеге асыруда. Жеке инвестициялардың көлемі 1,5 млрд теңгені құрайды. Кәсіпорын өнімдерін Түркияға экспорттау жоспарлануда.
Жалпы Солтүстік Қазақстан облысында жинау науқаны белсенді қарқынмен жалғасуда. Бүгінгі күні 52% егіс алаңдары жиналды. Орташа өнімділік 15,3 ц/га құрайды.
