Шымкентте жаңа айналма жолдың құрылысын бастады
Шымкент ірі транспорттық маршруттардың қиылысында орналасқан, олар Қытай мен Орталық Азия елдерін байланыстырады, сондай-ақ «Батыс Европа — Батыс Қытай» халықаралық коридорына кіреді. Осылайша, толыққанды айналма жолдың болмауы транзиттік көліктің бір бөлігінің қала арқылы өтуіне әкеледі.
Жаңа айналма жол транзиттік көліктің Шымкентке кірмей, өз маршруты бойынша жүруіне мүмкіндік береді. Бұл қала жолдарының жүктемесін азайтады және негізгі кіреберістерді жеңілдетеді, сондай-ақ ауыр жүк көліктерінің қала шегінде болуын қысқартады.
«Айналма жол Шымкент үшін ғана емес, бүкіл оңтүстік өңірдің транспорттық жүйесі үшін маңызды. Жаңа маршрут негізгі бағыттар арасында ыңғайлы байланыстарды қалыптастырады, логистика, өндіріс және жол бойындағы қызмет көрсету саласын дамыту үшін қосымша мүмкіндіктер береді. Біздің міндетіміз — осы ауқымды инфрақұрылымдық жобаны толық көлемде жүзеге асыру». Жоба жетекшісі Қуаныш Алмұхамбетов.
Жоба EPC-контракт бойынша жүзеге асырылады — Engineering, Procurement and Construction. Бұл «кілтпен» формат, мұнда мердігер жобалау, қажетті материалдар мен жабдықтарды сатып алу, құрылыс және дайын объектіні тапсырыс берушіге беру үшін жауап береді.
Жаңа жол іргелес аумақтардың дамуына жағдай жасайды. Маршрут бойында логистикалық және өндірістік алаңдар, қоймалар, терминалдар және жол бойындағы қызмет көрсету объектілері пайда болады. Жоба сондай-ақ «ШИХО» халықаралық логистикалық және трансшекаралық орталығын дамытуға байланысты.
Экономикалық әсер құрылыс кезеңінен басталады. Жоба құрылыс материалдарына, техника мен транспорттық қызметтерге сұраныс қалыптастырады, инженерлік-техникалық және жұмысшы персоналдың жұмыспен қамтылуын қамтамасыз етеді. Жол ашылғаннан кейін логистика, сауда, өндіріс және жол бойындағы қызмет көрсету үшін қосымша мүмкіндіктер пайда болады.
