Қазатомпром уранды Қызылорда облысында барлауды бастайды
Дамыту мерзімі – алты жыл. Бұл учаскедегі пайдалы қазбаларды пайдалану құқығы тек «Қазатомпромға» тиесілі, деп атап өтті компания.
Алдын ала бағалаулар бойынша, учаскедегі уран ресурстары шамамен 10 мың тоннаны құрауы мүмкін.
«Қызылту учаскесінде уранды барлауға лицензия алу – біздің минералдық- шикізат базасын кеңейту стратегиямызды жүзеге асырудағы кезекті қадам. Біз барлық реттеуші және экологиялық талаптарды сақтай отырып, перспективалы учаскелерді зерттеу бойынша жоспарлы жұмыстарды жалғастырамыз, компанияның және қатысу аймақтарының тұрақты дамуын қамтамасыз етеміз», – деді «Қазатомпромның» басқарма төрағасы Мейіржан Юсупов.
Қазақстан уран өндіру бойынша әлемде бірінші, ал оның барланған қорлары бойынша екінші орын алады. Ел уран өнеркәсібінде абсолютті жаһандық көшбасшы болып табылады.
