Пайдалы ескертпе: Қазақстандағы қолданыстағы автокөліктерді сатып алушылар үшін меншік тарихын қалай тексеруге болады
«Автокөлік меншік тарихы» қызметінде мынадай мәліметтер қолжетімді:
автокөліктің маркасы мен шығарылған жылы; қозғалтқыш көлемі, кузов түсі және қосымша жабдықтар; Қазақстанда автокөліктің алғашқы тіркелген күні; бұрынғы иелерінің саны мен қайта тіркеу күндері; кепілдер мен басқа да ауыртпалықтардың бар-жоғы.
eGov.kz порталында авторизациядан өтіп, «Автокөлік меншік тарихы» қызметін таңдап, содан кейін автокөліктің мемлекеттік нөмірін және техникалық паспорт нөмірін енгізу қажет.
eGov Mobile қосымшасында «Қызметтер» → «Жүргізу және транспорт» → «Автокөлік меншік тарихы» тармағын таңдаңыз, содан кейін автокөліктің мемлекеттік нөмірін және техникалық паспорт нөмірін енгізіңіз.
Бұған дейін қазақстандықтарға ресми дилерлерден сатып алынған көлік құралдарын бастапқы тіркеудің негізгі кезеңдері түсіндірілген болатын.
