Алматыға алма әкелуге тыйым 2026 жылдың соңына дейін

Құжатқа сәйкес, 2026 жылдың 31 желтоқсанына дейін Алматыға үшінші елдер мен Еуразиялық экономикалық одаққа мүше мемлекеттерден барлық көлік түрлері арқылы алма әкелуге тыйым салынады.

Бұл ретте, ерекшелік болып табылады: Қазақстан Республикасының аумағы арқылы транзитпен алма тасымалдау, соның ішінде ЕАЭО-ға мүше бір мемлекеттен ЕАЭО-ға мүше басқа мемлекетке Қазақстан аумағы арқылы алма тасымалдау, егер тауарлардың тағайындалған орны Қазақстан аумағы болмаса; 3 қыркүйекке дейін жөнелту мемлекетінде экспорттық рәсімге қойылған алмалар, егер тауарларға экспорттық декларация мен 3 қыркүйекке дейін аталған тауарларды жөнелтуді растайтын көлік құжаттары ұсынылса, сондай-ақ, тауарларды кедендік транзит рәсімімен тасымалдау жағдайында – транзиттік декларация.

Бұйрық ресми жарияланған күннен бастап, яғни 3 қыркүйектен бастап күшіне енеді.