Алматыдағы ағаштарды бетонмен жабу дауына әкімдіктің жауабы

Қала тұрғындарын құрылысшылардың ағаштарды әдейі бүлдіріп жатқаны қатты ашуландырды. Кейбіреулер бетонмен жабылған тек ағаштар емес, арық та екенін атап өтті. Дегенмен, бұл жерде арықтың болмағанын нақтылау қажет.

Әкімдікте жағдайды түсіндірді.

«Ағаштарға жақын орналасқан құрылыс жұмыстары туралы жарияланымдарға жауап ретінде төмендегіні хабарлаймыз. Қазіргі уақытта Курманғазы көшесінде аумақты абаттандыру және гастро көшесін ұйымдастыру бойынша жұмыстар жүргізілуде. Бұл учаскедегі тік еңістің болуына байланысты жасыл аймақтың деңгейін көтеру үшін тірек қабырғасын орнату жұмыстары жүргізілуде. Құрылыс процестері аяқталғаннан кейін мұнда жаңа бұталарды отырғызу және аумақты қалпына келтірумен толыққанды абаттандыру жоспарланған. Желіде таралған видеоматериалдарға қатысты түсіндіреміз: кадрларда көрініп тұрған объект – екі жыл бұрын кесілген ағаштың қалдығы (пень). Ағымдағы жұмыстар барысында тірі көпжылдық өсімдіктерге зиян келтірілмеді», – деп түсіндірді әкімдікте.

Сондай-ақ, құрылыс жұмыстарын жүргізу ережелерін бұзғаны және жапсарлас аумаққа немқұрайлы қарағаны үшін мердігер ұйым әкімшілік жауапкершілікке тартылды. Бүгінгі күні компанияға қатысты әкімшілік хаттама толтырылып, айыппұл салынды.

«Абаттандыру процесі, сондай-ақ мердігерлердің жасыл насажденияларды сақтау және қорғау талаптарын қатаң сақтау үнемі бақылауда», – деп сендірді әкімдікте.

Алматыдағы Студенттер сарайының бір бөлігінің түнде құлауы қоғамдық резонанс тудырды. Әл-Фараби атындағы ҚазҰУ-да шатырды демонтаждау бойынша жоспарлы жұмыстар жүргізілгені хабарланды.