Алматы әкімі қала мүлкін бүлдіргені үшін салдар туралы ескертті
Сонымен қатар, қоғамдық орындарды ластауға байланысты 928 әкімшілік құқық бұзушылық тіркелді.
«Жекелеген санасыз азаматтар аялдама павильондарын, қоқыс жәшіктерін, орындықтарды, мүсіндерді, абаттандыру элементтерін және басқа да объектілерді бүлдіреді. Құқық бұзушылар арасында кәмелетке толмағандар да бар… Қала инфрақұрылымын бүлдіре отырып, құқық бұзушылар тек қалаға ғана зиян келтірмейді, сонымен қатар барлық тұрғындар мен астана қонақтарына қолайсыздықтар туғызады», – деді әкім.
Қасымбек полиция қызметкерлері күн сайын көшелерді патрульдеп, құқық бұзушыларды анықтайтынын атап өтті. Қаладағы бейнебақылау камераларының саны жыл сайын артып келеді.
«Маңыздысы: бірде-бір құқық бұзушылық жазасыз қалмайды. Қоғамда заң бұзушылықтарға нөлдік төзімділік қалыптасуы тиіс және қоғамдық айыптау болуы керек. Заңға сәйкес, антиәлеуметтік әрекеттер қатаң жазаланады, тіпті қылмыстық жауапкершілікке дейін. Сондай-ақ, кәмелетке толмаған құқық бұзушылардың ата-аналары да жауапкершілікке тартылатын болады», – деп ескертті әкім.
Жеңіс Қасымбек қалаға мұқият қарауға шақырды. «Күн сайын тұрғындармен бірге біздің қалаымызды жайлы, таза және абаттандырылған ету үшін жұмыс істейміз», – деп атап өтті ол.
