Алматыда «Алатау» театрының мерейтойына арналған ALMATY THEATRE FESTIVAL театралдық фестивалі өтеді

Фестиваль 15 қарашада ашылады.

Іс-шарада Қазақстанның түрлі өңірлерінен келген театралдық ұжымдар көрермендерге әртүрлі жанрдағы іріктелген спектакльдерді ұсынады. Қатысушылар арасында Жезқазған, Астана, Талдықорған, Қызылорда, Қарағанды және Батыс Қазақстан облысының театрлары, сондай-ақ Алматының шығармашылық ұжымдары бар.

Фестиваль бағдарламасында «Мәмлүк», «Войцек», «Сәйгүлік», She Is Aiel, «Жабайы алма», «Найзағай», «Қорғансыз», «Томирис», «Ортеке», «Ромео мен Джульетта» және «Гүлге ұмтылған екеу» спектакльдері жоспарланған.

Сонымен қатар, фестиваль аясында «Дәстүрлі өнер және заманауи театр кеңістігі» тақырыбында республикалық ғылыми-практикалық конференция өтеді. Конференция қатысушылары ұлттық театралдық өнердің даму бағыттарын және қазіргі театралдық процестің өзекті мәселелерін талқылайды.