КазНУ-дағы студенттің трагедиясынан кейін жұмыстан босатулар
«Университеттік қауымдастық үшін студентіміздің қазасы – орны толмас және ауыр жоғалту, бұл бізді терең күйзелтті. Трагедияға байланысты университет басшылығы дереу бірқатар шаралар қабылдады: Жатақханада қауіпсіздік пен тәртіпті қамтамасыз етудегі міндеттерін тиісінше орындамағаны үшін қызметінен босатылды: басқарма мүшесі – әлеуметтік тұрақты даму жөніндегі проректор, география және табиғат пайдалану факультетінің деканы. Сондай-ақ, сол күні кезекшілікте болған қызметкерлер жұмыстан шеттетілді; олардың әрекеттеріне қазіргі уақытта құқықтық баға берілуде. Біз бұл жоғалтудың отбасы үшін қаншалықты ауыр екенін терең түсінеміз және марқұмның ата-анасы мен жақындарына шын жүректен көңіл айтамыз. Университет отбасы мен тұрақты байланыста және қажетті көмекті көрсетуге дайын», – деп хабарлады университеттің баспасөз қызметі.
Жатақханалардағы қауіпсіздік шаралары
Университеттің барлық жатақханаларында кешкі бақылау күшейтілді және қосымша қауіпсіздік шаралары енгізілді. Студенттерге кәсіби психологиялық көмек ұйымдастырылды.
Университет тергеу органдарына көмек көрсетіп, оқиғаны тергеуге кедергі келтірмейтінін мәлімдеді.
Басқа мәліметтер ҚР ҚПК 201-бабына сәйкес жарияланбайды. Осы орайда университет басшылығы қоғамды және марқұмның жақындарын істің жаңа мән-жайлары туралы хабардар ететінін уәде етті.
Еске салсақ, 16 қарашада Алматыда студентті өлтіру бойынша күдікті ұсталды.
Университетте бұл айдағы екінші өлім екенін атап өтеміз. Бұған дейін журналистика факультетінің бірінші курс студентінің өлімі бойынша қылмыстық іс қозғалған болатын.
