Жұма күні Қазақстанның кейбір өңірлерінде қар күтілуде
Астанада ауа райы өзгермелі, жауын-шашынсыз. Жел солтүстік-батыстан, солтүстіктен 7−12 метр секундқа. Түнде ауа температурасы −2−4, күндіз 0, +2.
Алматыда ауа райы өзгермелі, түнде жауын-шашын (жаңбыр, ылғалды қар), тұман. Жел солтүстік-батыстан 3−8, кейде 13 метр секундқа дейін. Түнде ауа температурасы 0, +2, күндіз +8+10.
Шымкентте ауа райы өзгермелі, жауын-шашынсыз. Жел солтүстік-шығыстан 8−13, күндіз 15−20 метр секундқа дейін. Түнде ауа температурасы +3+5, күндіз +16+18.
«Жетісу облысында, батыста, солтүстікте, Жамбыл облысының шығысында, Алматы облысының солтүстігінде, Түркістан облысының солтүстігінде, Қызылорда облысының солтүстігінде, орталығында −1−6 градус аяз күтілуде. Маңғыстау облысында, батыста, оңтүстікте, Батыс Қазақстан облысының шығысында, Ақтөбе облысының шығысында, Қызылорда облысының солтүстігінде, Жамбыл облысының солтүстігінде, оңтүстігінде, Алматы облысының батысында, оңтүстігінде, орталығында, Қостанай облысының оңтүстігінде, Түркістан облысының батысында, солтүстігінде, орталығында, Жетісу облысының оңтүстігінде жоғары өрт қауіпі күтілуде. Қызылорда, Атырау облыстарында, Ақтөбе облысының батысында, оңтүстігінде, орталығында, Қарағанды облысының батысында, Маңғыстау облысының орталығында, Ұлытау облысының батысында, Жетісу облысының шығысында төтенше өрт қауіпі күтілуде», – делінген хабарламада.
Ақмола облысының солтүстігінде және шығысында қармен жаңбыр жауады. Күндіз 0+5, түнде −2−7.
Ұлытау облысында жауын-шашынсыз. Күндіз +5+10, түнде −1−6.
Қарағанды облысының солтүстігінде және шығысында қармен жаңбыр жауады. Күндіз 0+5, түнде −3−8.
Батыс Қазақстан облысында жауын-шашынсыз. Күндіз +13+18, түнде 0+5.
Атырау облысында да жауын-шашынсыз. Күндіз +14+19, түнде +3+8.
Маңғыстау облысында жауын-шашын күтілмейді. Күндіз +18+23, түнде +7+12.
Ақтөбе облысында да жауын-шашын күтілмейді. Күндіз +7+12, түнде −1−6.
Қостанай облысында жауын-шашынсыз. Күндіз +3+8, түнде −1−6.
Солтүстік Қазақстан облысында түнде солтүстікте және шығыста қармен жаңбыр жауады. Күндіз 0+5, түнде −2−7.
Павлодар облысында қармен жаңбыр жауады. Күндіз 0+5, түнде −1−6.
Абай облысында да қармен жаңбыр жауады. Күндіз 0+5, түнде −1−6.
Шығыс Қазақстан облысында қармен жаңбыр жауады. Күндіз және түнде 0+5.
Қызылорда облысында жауын-шашынсыз. Күндіз +10+15, түнде 0+5.
Түркістан облысында да жауын-шашынсыз. Күндіз +14+19, түнде +1+6.
Жамбыл облысында жауын-шашынсыз. Күндіз +14+19, түнде 0+5.
Алматы облысының оңтүстігінде қармен жаңбыр жауады, тауларда қар. Күндіз +5+10, түнде 0+5.
Жетісу облысында солтүстікте, шығыста және орталықта қармен жаңбыр жауады, тауларда қар. Күндіз +5+10, түнде −1−6.
«Келесі тәулікте республика шығысындағы таулы өзендерде жауын-шашын болжамына байланысты су деңгейінің өзгеруі күтілуде», – деп ескертті синоптиктер.
