Жоғалған балаларды іздеу шаралары Алматыда сәтті аяқталды
«Іздеу шараларын ұйымдастыру үшін 200-ден астам полиция қызметкері, ТЖМ қызметкерлері, Ұлттық гвардияның әскери қызметкерлері және волонтерлерден тұратын топ құрылды. Іздеу шараларына қызметтік іздестіру иттері мен арнайы техника да тартылды. Іздеу шараларына қатысушылар жақын маңдағы аумақты және балалардың болуы мүмкін жерлерін тексерді», — деп хабарлады ДП.
Көп ұзамай екі бала табылып, ата-аналарына аман-есен тапсырылды. Кәмелетке толмағандардың заңды өкіліне қатысты әкімшілік шаралар қабылданғаны атап өтілді: ол балаларды тәрбиелеу және қауіпсіздігін қамтамасыз ету бойынша міндеттерін тиісінше орындамағаны үшін жауапкершілікке тартылды. Полиция қызметкерлері кәмелетке толмағандармен профилактикалық әңгіме жүргізді.
«Полиция ата-аналарды балалардың қауіпсіздігі мәселелеріне назар аударуға, олардың орналасқан жері мен қозғалыс маршруттары туралы білуге, сондай-ақ оларға таныс емес жерлерде тәртіп ережелерін үнемі түсіндіруге шақырады», — деп хабарлады құқық қорғаушылар.
