Зейнеткерді ұрлауға күдікті үш адам Алматыда сот алдында жауап береді
Тергеу нәтижесінде барлық қатысушыларға Қылмыстық кодекстің баптары бойынша айып тағылды:
125 – Адам ұрлау, 7-ден 12 жылға дейін бас бостандығынан айыру жазасымен жазаланады; 126 – Заңсыз бостандығынан айыру, 5 жылға дейін бас бостандығынан айыру жазасымен жазаланады; 194 – Бопсалау, 3-ден 7 жылға дейін бас бостандығын шектеу немесе сол мерзімге бас бостандығынан айыру жазасымен жазаланады.
«Қылмыстық іс Алматы қаласының қылмыстық істер жөніндегі мамандандырылған ауданаралық сотына жіберілді. Айыптау дәлелдерінің және сотталушылардың әрекетінің соңғы бағасы сотта беріледі», – деп қорытындылады бақылаушы орган.
2026 жылдың 29 сәуірінде Алматы полициясы 81 жастағы жалғыз зейнеткерді ұрлау бойынша үш адам – екі ер адам мен әйелді ұстағаны туралы хабарлады. Оның танысы дабыл қақты. Полиция қызметкерлері атаны қала маңындағы тұрғындардың үйінен тапты.
