Түркістан облысында екі жаңа мақта өңдеу зауыты іске қосылды
Ол Отырар ауданында төрт мақта өңдеу зауыты іске қосылатынын еске салды.
«Заманауи технологиялармен жабдықталған зауыттар жылына 320 мың тонна мақта шикізатын өңдеуге, 110 мың тонна мақта талшығын алуға мүмкіндік береді. Сондай-ақ, жергілікті тұрғындар үшін 100-ден астам тұрақты жұмыс орны құрылды», – деп атап өтті ол.
Мақта өңдеу зауыттары Turan арнайы экономикалық аймағының 76,2 гектар аумағында орналасқан.
Төрт зауыттың құрылысында жұмсалған жалпы инвестиция көлемі 17,129 миллиард теңгені құрайды. Олардың екеуі 2025 жылы іске қосылды, ал биыл тағы екі зауыттың құрылысы аяқталып, пайдалануға берілді.
Кәсіпорындарда мақтаны өңдеудің заманауи қытай технологиялары қолданылады. Өндірістік процесс мақта шикізатын қабылдау, тазалау, кептіру, мақта талшығын тұқымнан ажырату, пресс жасау және дайын өнімді орау кезеңдерін қамтиды.
