Тоқаев армияны реформалау туралы: елді қорғаудың жаңа моделі

Өзінің сөзінде Тоқаев ел армиясының реформасын талқылады. «Қазіргі уақытта менің тапсырмам бойынша Қарулы Күштерді реформалау және жаңа үлгідегі армияны қалыптастыру жұмыстары басталды. Қазақстан армиясы алдыңғы қатарлы, мықты, қазіргі заманғы талаптарға сай болуы және кез келген қауіпке тойтарыс беруге дайын болуы тиіс. Мемлекеттің стратегиялық міндеті – Қазақстанның тәуелсіздігі мен егемендігін қорғау, ұлттық қауіпсіздікті қамтамасыз ету және азаматтардың құқықтары мен бостандықтарын қорғау», – деді Президент.

Еске сала кетейік, Каспийдегі трагедиядан кейін Қарулы Күштердің Жоғарғы Бас қолбасшысы Қасым-Жомарт Тоқаев Қазақстандағы әскери реформаның жоспарын әзірлеуді тапсырды. Мемлекет басшысының пікірінше, Каспийде оқу-жаттығу кезінде 14 әскери қызметшінің қаза болуы армиядағы көптеген кемшіліктер мен кәсібилік жетіспеушілігін айқын көрсетті.

«Кадрлық реформалар жасау уақыты келді. Бұл шұғыл міндет. Осыған байланысты мен кадрлық ауыс-түйістер жүргіздім.»