Павлодарда төрт мектеп оқушысы дәріден зардап шекті
«Оқу кабинетінде өткір иісі бар дәрілер табылды. Сабақтан кейін төрт оқушының жағдайы нашарлады. Тексеруден кейін олардың жағдайы қанағаттанарлық деп бағаланды», — деді павлодарлық білім бөлімі.
Денсаулық сақтау басқармасында 12 қазанда Павлодар облыстық балалар ауруханасына 2014 және 2015 жылы туған үш бала улану белгілерімен жүгінгені нақтыланды. Тексеруден кейін балалар амбулаторлық бақылауға жіберілді.
Білім бөлімінде мектеп әкімшілігі ішкі тергеу жүргізгенін де хабарлады. Оның нәтижесінде жауапты қызметкерлерге қатысты тәртіптік шаралар қабылданды.
2026 жылдың шілде айының басында Ақмола облысы Биржан сал ауданындағы жеке білім беру-сауықтыру орталығында Астана, Қарағанды және Көкшетаудан келген алты демалушының тамақтан улану белгілерімен ауруханаға жатқызылғаны белгілі болды. Оларды құсу, жоғары температура және диарея мазалаған. Полиция қылмыстық іс қозғады.
