Манарбек Шапагатов Қарағанды облысының ТЖД басшысы болып тағайындалды
«Қазақстан Республикасының Төтенше жағдайлар министрінің бұйрығымен Шапагатов Манарбек Қайыргелдинұлы Қарағанды облысының Төтенше жағдайлар департаментінің басшысы болып тағайындалды».
Төтенше жағдайлар вице-министрі Ерболат Садыбаев жаңа басшыны департаменттің жеке құрамына таныстырды.
Манарбек Шапагатов 1975 жылдың 3 ақпанында Ақмола облысында дүниеге келген. 1992 жылдан бері азаматтық қорғау органдарында жұмыс істейді. 1995 жылы ҚР Ішкі істер министрлігінің Алматы өрт-техникалық училищесін, ал 2005 жылы ҚР ТЖМ Көкшетау техникалық институтын бітірді.
Қызметі барысында мемлекеттік өрт бақылау және қадағалау, сондай-ақ өрт сөндіру қызметінде әртүрлі лауазымдарды атқарды. Бұрын Степногорск қаласының ТЖ басқармасының басшысы және Ақмола облысының ТЖД басшысының орынбасары болды.
2022 жылдың шілдесінен 2026 жылдың қазанына дейін Абай облысының Төтенше жағдайлар департаментінің басшысы қызметін атқарды.
