Ішкі істер министрлігі ата-аналарды балалардың қауіпсіздігін бақылауға шақырады
«Балалардың қауіпсіздігі үшін бірінші кезекте ата-аналар жауапты. Балалардың мінез-құлқын, эмоционалдық жағдайын күн сайын бақылап, алғашқы алаңдаушылық белгілері пайда болғанда дереу полиция органдарына хабарлау маңызды. Балалардың қауіпсіздігі бойынша профилактикалық жұмыс оқу орындарында, сондай-ақ көшелер мен жолдарда жалғасуда», – деді ІІМ Әкімшілік полиция комитетінің басқарма басшысы Асхат Дюсембеков.
Сонымен қатар, құқық қорғау органдары мемлекеттік құрылымдармен бірге білім беру мекемелерінің жанындағы жол инфрақұрылымының жағдайын тексерді. Тексерулердің нәтижесінде үш мыңнан астам нұсқау шығарылды, анықталған бұзушылықтарды жою бойынша шаралар қабылдануда. 40-тан астам лауазымды тұлға заңды талаптарды орындамағаны үшін жауапкершілікке тартылды.
«Балалардың оқу орындарындағы қауіпсіздік шаралары күшейтілді. Білім беру мекемелерінің әкімшіліктерімен бірлесіп, оқушылар үшін қауіпсіз орта жасау мақсатында объектілердің техникалық беріктігін арттыру бойынша жұмыс жалғасуда», – деп қосты Асхат Дюсембеков.
Сонымен қатар, балаларды тасымалдау үшін пайдаланылатын көліктің техникалық жағдайы тексерілді.
Талдықорғанда жастар тарапынан бұзушылықтар видеоға түсірілді. Полицияның жедел басқару орталығының бейнебақылау камералары жастардың нөмірсіз көлікте жүргенін және бұталарда қажеттіліктерін өтегенін тіркеді.
