Интерполдың Алматыдағы мәжілісі: киберқауіптермен күрес және халықаралық іздеу

Қатысушылар трансұлттық ұйымдасқан қылмыс, халықаралық іздеу, киберқауіптермен күрес және қаржылық құқықбұзушылықтар бойынша құқық қорғау органдарының өзара әрекеттесуінің маңызды мәселелерін талқылады. Ақпарат алмасу мен Интерполдың ақпараттық ресурстары мен деректер базаларын тиімді пайдалану мәселесіне ерекше назар аударылды.

Қазақстан тарапы халықаралық полиция ынтымақтастығының механизмдерін қолдану тәжірибесімен бөлісті. Сонымен қатар, елдердің өкілдері Орталық Азия бойынша іс-қимылдың аймақтық жоспарын талқылады, бұл трансұлттық қауіптермен күресте құқық қорғау органдарының координациясын әрі қарай дамыту мен күш-жігерді біріктіруді көздейді.

Алматыда кездесудің өткізілуі Қазақстанның халықаралық серіктестікті нығайтуға және өңірдегі құқық қорғау құрылымдарының өзара әрекеттесуін дамытуға деген қызығушылығын көрсетеді.

Бұған дейін Алматыдағы АФМ департаментінің қызметкерлері прокуратура органдарының координациясымен 2022 жылдан бері халықаралық іздеуде болған Finiko құрылымдық бөлімшесінің басшысын Түркиядан қайтарғаны хабарланған болатын.