Бельгия королінің және королевасының Алматыға сапары: жолдарда күтілетін шектеулер
«Сапар аясында Қазақстан мен Бельгияның ресми делегациялары, сондай-ақ бизнес және академиялық орта өкілдерінің қатысуымен шаралар жоспарланған. 14 қазанда ресми шараларға байланысты Алматының кейбір аудандарында көлік қозғалысына уақытша шектеулер енгізілуі мүмкін», – деп хабарлады әкімдіктен.
Қала тұрғындары мен келушілерден жол жағдайындағы мүмкін өзгерістерді ескеруді және уақытша қолайсыздықтарға түсіністікпен қарауды сұрайды.
Бельгия королі Филипп пен королева Матильда 2026 жылдың 11 қазанында мемлекеттік сапармен Қазақстанға келді. Жоғары мәртебелі қонақтарды елорда әуежайында президент Қасым-Жомарт Тоқаев қарсы алды.
2026 жылдың 12 қазанында Ақордада ресми кездесу рәсімі өтті, одан кейін Қасым-Жомарт Тоқаев жоғары мәртебелі қонақтармен тар және кең құрамда келіссөздер жүргізді, сондай-ақ бірлескен мәлімдеме қабылданды.
Сонымен қатар, Қазақстан президенті король Филипп пен королева Матильдамен бірге Астанадағы Балалар реабилитациясы ұлттық орталығына барды. 2026 жылдың 13 қазанында Қасым-Жомарт Тоқаев корольдік жұпқа президент резиденциясындағы ұлттық музей мен таза қанды аттарды көрсетті.
