Тоқаев Моди́мен кездесу өткізді — не талқыланды
Қасым-Жомарт Тоқаев Үндістанның әлемдік экономикадағы жетекші позицияларын, ғылыми-техникалық саладағы ерекше жетістіктерін, сондай-ақ әлемдік аренадағы жоғары беделін атап өтті.
«Сіздің дана және мықты басшылығыңызбен ел сенімді түрде прогресс және тұрақты даму жолында алға жылжуда», — деді президент.
Мемлекет басшысы қазақ-үнді қарым-қатынастары кең ауқымды бағыттар бойынша динамикалық дамып келе жатқанын атап өтті.
«Бүгінгі таңда Қазақстанда үнді капиталы бар 600-ге жуық компания табысты жұмыс істеп жатыр. Өткен жылы елімізге шамамен 150 мың үнді азаматы келді. Қазақстанда көптеген үнді студенттері білім алуда. Біз халықаралық ұйымдар аясында да жемісті ынтымақтастық орнатудамыз», — деді Қасым-Жомарт Тоқаев.
Нарендра Моди́ біздің мемлекет басшымызға БРИКС саммитіне қатысқаны үшін алғыс айтып, Қазақстан Президентінің шабыттандыратын және өзекті бастамалармен толтырылған сөзін атап өтті. Үндістан премьер-министрі Қазақстанмен достық және сенімді қарым-қатынастарға ерекше мән беретінін айтты.
Нарендра Моди́ біздің мемлекет басшымызға БРИКС саммитіне қатысқаны үшін алғыс айтып, Қазақстан Президентінің шабыттандыратын және өзекті бастамалармен толтырылған сөзін атап өтті.
Үндістан премьер-министрі Қазақстанмен достық және сенімді қарым-қатынастарға ерекше мән беретінін айтты.
Сұхбаттастар екіжақты күн тәртібіндегі нақты мәселелерді, соның ішінде энергетика, цифрландыру, білім беру және туризм салаларындағы ынтымақтастықты талқылады.
Нарендра Моди́дің айтуынша, Қазақстан мен Үндістан жоғары технологиялар мен креативті индустриялар саласында елеулі әлеуетке ие. Осыған байланысты Астана (Astana Hub) мен Хайдарабад (Cyberabad) технологиялық экожүйелері арасындағы ынтымақтастық перспективалы болып табылады.
Үндістан премьер-министрі Қазақстанның өкілдерін, әсіресе жастарды, келесі жылы Мумбайда өтетін креативті индустриялар саммитіне WAVES қатысуға шақырды.
Кездесу барысында көшбасшылар Үндістан мен Еуразиялық экономикалық одақ арасындағы ынтымақтастықты дамыту мүмкіндіктерін де қарастырды.
Қасым-Жомарт Тоқаев Қазақстан ЕАЭО-ның төрағасы ретінде ЕАЭО мен Үндістан арасында еркін сауда аймағын құру бойынша келіссөздер процесін қолдайтынын және оның алға жылжуына көмектесуге дайын екенін мәлімдеді.
Мемлекет басшысы Үндістан премьер-министрін мемлекеттік сапармен Қазақстанға келуге шақырды.
