Қазақстаннан АҚШ-қа тікелей рейстерді іске қосу үшін қауіпсіздік тексерісі
2026 жылғы бағалау FAA-мен жүргізілген жұмыстың жалғасы болып табылады. Соңғы екі жыл бойы Көлік министрлігі Қазақстанның Авиация әкімшілігімен және АҚШ-тағы ҚР Елшілігімен бірлесіп Қазақстан мен АҚШ арасында тікелей әуе қатынасын іске қосу бойынша жұмыс істеп келеді.
Бағалаудың мақсаты – ұшу қауіпсіздігін бақылау мемлекеттік жүйесін талдау, сондай-ақ Қазақстан Республикасының авиациялық биліктерінің қолданыстағы стандарттарға және ұсынылған тәжірибеге сәйкестігін анықтау. Тексеру барысында FAA сарапшылары авиациялық заңнама, заңға тәуелді актілер және мемлекет тарапынан бақылауды жүзеге асыру мүмкіндіктерін сегіз негізгі элемент бойынша зерттейді.
24 қыркүйекте FAA командасының Air Astana әуе компаниясына техникалық сапары жоспарланған. Сапардың мақсаты – Қазақстанның Авиация әкімшілігінен алынған ақпаратты растау, ашықтықты қамтамасыз ету аясында. Бұл сапар әуе компаниясының сертификат иесі ретінде тексеру болмайды.
Бағалау аяқталғаннан кейін FAA Қазақстанның Авиация әкімшілігімен қорытынды брифинг өткізеді және қаралған мәселелер бойынша жазбаша есеп береді. IASA бағалауын жүргізу ұшу қауіпсіздігін бақылау мемлекеттік жүйесін нығайту және Қазақстан мен АҚШ арасында тікелей әуе қатынасын ашу бойынша маңызды қадам болып табылады.
