Қазақстандықты Азияда алтыннан айырды: НОК жағдайға қатысты пікір білдірді
Қазақстан Ұлттық Олимпиада комитетінің сайтында алтын медальдан айырылу жағдайы туралы пікір білдірді. «Фиништен кейін World Athletics ережелеріне сәйкес үш жүлдегердің, әйелдер мен ерлер арасында, аяқ киімін міндетті түрде тексеру жүргізілді. Техникалық делегаттар тексеру барысында Қазақстанның өкілі Ясмина Токсанбаеваның аяқ киімінің World Athletics тарапынан мақұлданған модельдер тізімінде жоқ екенін анықтады. Аяқ киімнің суреттері мен тиісті ақпарат World Athletics-ке ресми қорытынды алу үшін жіберілді. Халықаралық федерациядан жауап алынғанша марапаттау рәсімі кейінге қалдырылды», – деп хабарлады комитетте.
World Athletics-тің спорттық аяқ киімге қойылатын талаптары 2026 жылдың 19 наурызында халықаралық федерация кеңесінің шешімімен жаңартылды және 2026 жылдың 20 сәуірінде күшіне енді. Тиісті ақпарат барлық ұлттық федерацияларға жіберілді.
«World Athletics ресми түрде спортшының пайдаланған аяқ киім моделі жарыстарда қолдануға рұқсат етілмегенін растады. Халықаралық федерацияның қолданыстағы ережелеріне сәйкес, мұндай жағдайда спортшының нәтижесі жарамсыз деп танылады, ал жарыс хаттамасы түзетіледі. Бұл мәселе туындаған сәттен бастап НОК Қазақстан World Athletics, Азия жеңіл атлетика қауымдастығы, Азия Олимпиада кеңесі (ОСА) және Қазақстан Республикасының жеңіл атлетика федерациясымен Қазақстандық спортшыға қажетті қолдау көрсету және апелляция беру мүмкіндігін қарастыру мақсатында тұрақты байланыста болды», – деп қосты комитетте.
Ясмина Токсанбаева Instagram парақшасында осы қиын сәтте қолдау сөздерімен көптеген хабарламалар алғанын айтты. «Барлығы Жаратушының қалауы бойынша ең жақсы түрде шешіледі! Қазір мен тек сіздердің қолдауларыңыз мен үшін өте маңызды және жағымды екенін айтқым келеді, сіздер мені осындай қиын сәтте құлатпайсыздар! Мен әрі қарай жүремін, мені осылайша оңай жоя алмайсыздар», – деді спортшы.
